පිපිරීම් වලින් දැනට 138ක් මරුට, 402ක් තුවාලයි..

අද(21) උදෑසන කොළඹ ඇතුළු දිවයිනේ ස්ථාන 06ක සිදුවූ පිපිරීම්වලින් මේ වන විට පුද්ගලයින් 138 දෙනෙකු මියගොස් තවත් පුද්ගලයින් 402 කු තුවාල ලබා ඇතැයි කොළඹ ජාතික රෝහලේ අධ්‍යක්ෂ අනිල් ජාසිංහ මහතා පවසයි. මේ මොහොතේ කොළඹ, ජාතික රෝහලේ පැවැත්වෙන විශේෂ මාධ්‍ය හමුවකට එක්වෙමින් අධ්‍යක්ෂවරයා මේ බව පැවසීය. අද පෙරවරු 8.45ට පමණ මෙම පිපිරීම් සිදුව තිබුණි. කොටහේන කොච්චිකඩේ දේවස්ථානය, කටාන කටුවපිටිය දේවස්ථානය සහ මඩකලපුව ප්‍රදේශයේ දේවස්ථානයක පිපිරීම් සිදුවු අතර එම අවස්ථාවේ පාස්කු ඉරිදා දේව මෙහෙයන් සදහා විශාල පිරිසක් එම දේවස්ථානවලට පැමිණ සිටි බව අද දෙරණ වාර්තාකරුවන් සදහන් කළා. එමෙන්ම අද පෙරවරුවේම කොල්ලුපිටිය ප්‍රදේශයේ පිහිටි ෂ්‍රැන්ග්‍රිලා, සිනමන් ග්‍රෑන්ඩ් හා කින්ස්බරි යන සුපිරි හෝටල් 03ක ද පිපිරීම් සිදුවිය. මිය ගිය අය පිරිස් අතර, දෙස් විදෙස් පුද්ගලයින් රැසක් සිටින බව ද අධ්‍යක්ෂවරයා පැවසීය. එම පිපිරීම්වලින් පුද්ගලයින් 243කට අධික පිරිසක් තුවාල ලබා ප්‍රතිකාර සඳහා කොළඹ ජාතික රෝහලට ඇතුළත් කර තිබේ. ඉන් පුද්ගලයින් 42 ක් මිය ගොස් ඇති අතර, 201 දෙනෙකු තුවාල ලබා ප්‍රතිකාර ලබයි. මේ අතර කටාන කටුවපිටිය දේවස්ථානයේ සිදුවූ පිපිරීමෙන් පුද්ගලයින් 62 දෙනෙකු මියගොස් තවත් පුද්ගලයින් 110 දෙනෙකු පමණ මීගමුව රෝහලේ ප්‍රතිකාර ලබන බව ද අධ්‍යක්ෂවරයා පැවසීය. මඩකලපුව දේවස්ථානයේ සිදුවු පිපිරීමෙන් පුද්ගලයින් 27 දෙනෙකු මියගොස් තිබේ. පුද්ගලයින් 67 දෙනෙකු මඩකලපුව රෝහලේ ප්‍රතිකාර ලබමින් සිටින බව අනිල් ජාසිංහ මහතා පැවසීය. මේ අතර, උතුරු කොළඹ ශික්ෂණ රෝහලේ ඇතුළත් කළ පිරිසෙන් පුද්ගලයින් 7 ක් මිය ගොස් තිබේ. එහි පුද්ගලයින් 24 ක් තුවාල ලබා සිටින බව ද පැවසෙයි.   adaderana

Read more
ලෝක කුසලානයට ශ්‍රී ලංකා ක්‍රිකට් අනුග්‍රාහකයෙක් ඉන්දියාවෙන් ආනයනය කරයි

දිගින් දිගටම ලබන පරාජයන් හමුවේ ලෝක කුසලාන ක්‍රිකට් තරගාවලියට සහභාගිවන 2019 icc cricket world cup ශ්‍රී ලංකා ක්‍රිකට් කණ්ඩායමට අනුග්‍රාහකත්වය දැක්වීම සඳහා දේශීය ව්‍යාපාරික ආයතන ඉදිරිපත් නොවන පසුබිමක එළැඹෙන ලෝක කුසලාන ක්‍රිකට් තරගාවලිය සඳහා ශ්‍රී ලංකා ක්‍රිකට් කණ්ඩායම නිල අනුග්‍රාහකයා වශයෙන් කටයුතු කිරීමට ඉන්දීය අනුග්‍රාහක ආයතනයක් වෙත ලබා දීමට ශ්‍රී ලංකා ක්‍රිකට් පාලනාධිකාරියට සිදුවී තිබේ. අනුග්‍රාහකත්වය උදෙසා දේශීය ආයතන කිසිවක් ඉදිරිපත් නොවීම හේතුවෙන් ඉන්දීය සෞඛ්‍ය නිෂ්පාදනායතනයක් වන කෙන්ට් රෝ සිස්ටම් ආයතනය පිළීගැනීමට ශ්‍රී ලංකා ක්‍රිකට් බලධාරීහු පියවර ගෙන තිබේ. මීට පෙර දී නම් ශ්‍රී ලංකා ක්‍රිකට් කණ්ඩායමේ අනුග්‍රාහකත්වය ලබා ගැනීම සඳහා වැළ නොකැඩී පැමිණියද කණ්ඩායමක් වශයෙන් දිගින් දිගටම ලබා සිටින අසාර්ථකත්වය නිසා දේශීය අනුග්‍රාහක ආයතන කිසිවෙක් ඒ පිළිබඳව වැඩි උනන්දුවක් නොදැක්වීය. එමෙන්ම මෙම 2019 වසර ආරම්භයේ සිට මේ දක්වා සහභාගි වුණු එකම තරගයක් හෝ ජය ගැනීමට ශ්‍රී ලංකා කණ්ඩායමට නොහැකි වී තිබීම, මෙකී තත්ත්වය ඔඩු දිවීමට මූලාශ්‍ර වී තිබේ. මේ අතර මෙම ඉන්දියානු සමාගම ලෝ ප්‍රකට ඉන්දීය ජනප්‍රිය නළු නිලි දේපලක් වන ශාරුක් ඛාන් සහ මදුරි ඩිස්කිට අයත් එකක් බවටද කතා බහක් ඇති වෙමින් පවතී.    

Read more
නැවත ශ්‍රී ලංකා නායකත්වය වෙනස්වන ලකුණු, මාලිංගගේ අවසන් තීරණය තවම කොට උඩ ?

එළඹෙන ලෝක කුසලාන එක්දින කි‍්‍රකට් තරගාවලිය සදහා සහභාගි නොවන බවට කිසිදු නිල දැනුම්දීමක් ලසිත් මාලිංගගෙන් මේ දක්වා ලැබී නැතැයි ශී‍්‍ර ලංකා කි‍්‍රකට් ආයතනය පවසනවා. එහි ප‍්‍රධාන විධායක නිලධාරීන් ඈෂ්ලි ද සිල්වා පැවසුවේ ලසිත් මාලිංග මෙම තරගාවලිය සදහා ශී‍්‍ර ලංකාව වෙනුවෙන් සහභාගි වනු ඇතැයි තමන් විශ්වාස කරන බවයි. ලෝක කුසලාන එක්දින කි‍්‍රකට් තරගාවලිය සදහා සහභාගි කෙරෙන ශී‍්‍ර ලංකා කණ්ඩායමේ නායකත්වය සදහා තමන් නම් නොකෙරුණ හොත් එම තරගාවලිය සදහා සහභාගි නොවී ලසිත් මාලිංග විශ‍්‍රාම ගනු ඇතැයි මීට පෙර අන්තර්ජාල වාර්තා පළ වුණා. කෙසේවෙතත් සංචිතයේ නායකත්වය සදහා නම් කර ඇත්තේ දිමුත් කරුණාරත්නයි. ඒ අනුව ගනු ලබන පියවර කුමක් දැයි නෙත් නිවුස් ඊයේ පෙරවරුවේ ලසිත් මාලිංගගෙන්ද විමසීමක් කළා. ඔහු පැවසුවේ සංචිතය සම්පූර්ණයෙන් නම් කිරීමෙන් පසු සිය තීරණය ගන්නා බවයි. සම්පූර්ණ සංචිතය ඊයේ පස්වරුවේ ප‍්‍රකාශයට පත් කෙරුණා.

Read more
මාලිංගගේ නිපන්දුවෙන් සුපිරි ක්‍රිකට් තරු කැළඹෙයි

ඉන්දීය ප්‍රිමියර් ලීග් ක්‍රිකට් තරගාවලියේ ඊයේ පැවැති තරඟයේදී අවසන් පන්දුවාරයේ අවසන් පන්දුව සම්බන්ධයෙන් මේ වන විට විශාල කතාබහක් ඇතිව තිබේ. ඊයේ තරඟය පැවැත්වුනේ මුම්බායි ඉන්දියන්ස් කණ්ඩායම සහ රෝයල් චැලෙන්ජර්ස් බැංගලූර් කණ්ඩායම සමඟය. මුම්බායි කණ්ඩායම නියෝජනය කරමින් ලසිත් මාලිංග විසින් අවසන් පන්දුවාරය යවනු ලැබූ අතර, එම පන්දුවාරයේ තීරණාත්මක අවසන් පන්දුව නිපන්දුවක් බවට තරඟයෙන් අනතුරුව අනාවරණය වී තිබේ. මේ සම්බන්ධව ලොව ප්‍රවීණ ක්‍රිකට් ක්‍රීඩකයින්, ක්‍රිකට් විස්තර විචාරකයින් මෙන්ම විනිසුරුවන්ද අදහස් පලකර තිබේ. කුමාර් සංගක්කාර ඉර්ෆාන් පතන් මයිකල් වෝන් ෆෆ් ඩු ප්ලිසිස් කෙවින් පීටර්සන් මොහොමඩ් කයිෆ් ප්‍රගයාන් ඔ්ජා ආර්. පී. සිං හර්බජන් සිං මන්දීප් සිං අජිත් අගාකර් රෝහිත් ශර්මා https://twitter.com/MichaelVaughan https://twitter.com/faf1307/status/1111340147738460160 https://twitter.com/KP24/status/1111340786350735360 https://twitter.com/harbhajan_singh/status/1111332917702070272 https://twitter.com/RCBTweets/status/1111333537494368256 https://twitter.com/MohammadKaif/status/1111342933918343169 https://twitter.com/IrfanPathan/status/1111336742441803776?ref_src=twsrc%5Etfw%7Ctwcamp%5Etweetembed%7Ctwterm%5E1111336742441803776&ref_url=http%3A%2F%2Fwww.aruna.lk%2F%25e0%25b6%25b8%25e0%25b7%258f%25e0%25b6%25bd%25e0%25b7%2592%25e0%25b6%2582%25e0%25b6%259c%25e0%25b6%259c%25e0%25b7%259a-%25e0%25b6%25b1%25e0%25b7%2592%25e0%25b6%25b4%25e0%25b6%25b1%25e0%25b7%258a%25e0%25b6%25af%25e0%25b7%2594%25e0%25b7%2580%25e0%25b7%2599%25e0%25b6%25b1%25e0%25b7%258a-%25e0%25b7%2583%25e0%25b7%2594%25e0%25b6%25b4%2F https://twitter.com/KumarSanga2/status/1111334289935724545

Read more
මේ වසරේ IPL තරඟාවලියේ වේගවත්ම ශතකය සංජු වාර්තා කරයි

2019 ඉන්දීය ප්‍රිමියර් ලීග් ක්‍රිකට් තරගාවලියේ ප්‍රථම ශතකය වාර්තා කිරීමට ඊයේ රාජස්ථාන් රෝයල් කණ්ඩායමේ සන්ජු සැම්සන් සමත්ව තිබේ. ඔහු ඊයේ දිනයේ නොදැවී පන්දු 55කදී ලකුණු 102ක් වාර්තා කිරීමට විය. සන්ජුගේ එම ශතකයට දැවැන්ත හයේ පහර 4ක් සහ හතරේ පහර 10ක් ද ඇතුළත් වේ. නමුත් සන්ජුගේ ශතකයට ඊයේ දිනයේ කිසිදු වටිනාකමක් කණ්ඩායමෙන් හිමිනොවීය. ඊට හේතුව වූයේ රාජස්ථාන් පිල කඩුළු 5කින් පරාජයට පත්වීමයි. මෙම තරගයේ මුලින්ම පන්දුවට පහරදුන් රාජස්ථාන් රෝයල් කණ්ඩායම නියමිත පන්දුවාර 20 තුළ කඩුළු 2ක් දැවී ලකුණු 198ක් රැස්කර ගත්තේය. අනතුරුව පිටියට පැමිණි සන්රයිස් හයිද්‍රාබාද් පිල පන්දුවාර 19කදී කඩුළු 5ක් දැවී ලකුණු 201ක් ලබාගෙන තරගයේ ජය වාර්තා කිරීමට විය. හයිද්‍රාබද් පිල වෙනුවෙන් ඩේවිඩ් වෝන්ර් පන්දු 37කදී ලකුණු 69ක් ලබාගත්තේය. ඒ අනුව හයිද්‍රාබාද් කණ්ඩායම කඩුළු 5ක ජයගත්තේය. සන්ජුගේ සුපිරි ශතකය මෙතනින් බලන්න https://www.iplt20.com/video/157073

Read more
ප්‍රහාරයන් ගැන ජනපතිගෙන් විශේෂ ප්‍රකාශයක්

අද(21) උදෑසන දිවයින පුරා සිදුවු පිපිරීම් ජනාධිපති මෛත්‍රීපාල සිරිසේන මහතා හෙළා දැක තිබේ. මීට සුළු වේලාවකට පෙර ජනාධිපතිවරයා මෙම විශේෂ ප්‍රකාශයක් සිදු කරමින් මේ බව පැවසීය. මෙම ඛේදවාචයක ගැන තමා දැඩිව කම්පනයට පත්ව ඇති බව ද ජනාධිපතිවරයා මෙහිදී සඳහන් කරයි. ලක්වැසි සියලු ජනතාව මේ සිදුවීම් හේතුවෙන් දැඩි සේ වේදනාවට පත්ව ඇති බව ද පැවසු ජනාධිපතිවරයා මේ සිදුවීම් පිළිබඳ වු කුමන්ත්‍රණය ගැන සොයා ගැනීම සඳහා මේ වන විටත් සියලු ආරක්ෂක අංශ උපදෙස් ලබා ගෙන කටයුතු කරමින් සිටින බව ද සඳහන් කළේය. ඒ අනුව මෙම පරීක්ෂණ කටයුතු සඳහා සියලු ජනතාවගේ සහයෝගය ඉල්ලා සිටින බව ද පැවසු ජනාධිපතිවරයා සියලු දෙනාට සංසුන්ව කටයුතු කරන ලෙස පවසා සිටියේය. කටකතා සහ අසත්‍ය පුවත්වලට නොරැවටෙන ලෙස ද සියලු ජනතාවගෙන් ඉල්ලා සිටි ජනාධිපතිවරයා, මෙයට රජය ගත හැකි සෑම පියවරක්ම ගන්නා බව ද සඳහන් කළේය.

Read more
අද සිදුවූ පිපිරීම් ගැන බුද්ධි අංශ හෙළිදරව්ව ඇත්තක්ද ?

විශේෂ ආරක්ෂක දිසා නියෝජ්‍ය පොලිස්පති ප්‍රියලාල් දිසානායක මහතා විසින් අප්‍රේල් මස 11 වැනිදා ප්‍රභූ ආරක්ෂක ප්‍රධානින් දැනුවත් කොට යැවූ ලිපියක පිටපතක් විට සමාජ මාධ්‍ය වෙත නිකුත් වී තිබෙනවා. එහි අංක 02 යටතේ සඳහන් කොට ඇත්තේ පිටු අංක 02 සහ 04 දක්වා යා කර ඇති ” ජාතික තව්හික් ජ්මාන්” නායක මොහොමඩ් සහරාන් විසින් මෙරට මරාගෙන මැරෙන ප්‍රහාරයක් දියත් කිරීමට සැලසුම් කරන බවට ලද තොරතුරක් සම්බන්ධයෙන් ඔබගේ විශේෂ අවධානය යොමු කරවමි යනුවෙනුයි. එහි අංක 03 හි සඳහන් වන්නේ ඒ අනුව එම වාර්තාවේ සඳහන් කරුණු පිළිබඳව දැඩි අවධානය යොමුකර, ඔබ කොට්ටාශය මගින් ආරක්ෂාව සපයනු ලබන ප්‍රභූවරුන්/ස්ථානවල ආරක්ෂාව පිළිබඳව ඉතාමත් දැඩි අවධානයකින් සහ සැලකිල්ලකින් යුතුව කටයුතු කරන ලෙසට සියලුම නිලධාරින් දැනුවත් කරන්න …. යනුවෙනුයි එම ලිපිය පහතින්

Read more
මාලිංග යනව නම් යයි - ගියොත් එතන එන්න පෝලිමේ කට්ටිය ඉන්නවා - ක්‍රිකට් සභාපති ෂම්මි සිල්වා කරළියට

ශ්‍රී ලංකා එක්දින පිලේ නායකත්වය අහිමිවූමේ හේතුව මත හිටපු නායක සුපිරි වේග පන්දු යවන ක්‍රීඩක ලසිත් මාලිංග ජාත්‍යන්තර ක්‍රිකට් පිටියෙන් සමුගන්නේද? නැද්ද? යන්න තවමත් පැහැදිලි ප්‍රකාශයක් කර නොමැත. ඉන්දියාවේ දැන් පැවැත්වෙන අයි.පී.එල්. තරගාවලියට සහභාගි වී සිටින මාලිංග ජගත් ක්‍රිකට් පිටියෙන් සමුගැනීමේ ලිපියක් සකස් කර තිබූ බවත් එය ශ්‍රී ලංකා ක්‍රිකට් ආයතනයට යොමු කිරීමට නියමිතව තිබූ බවත් පළවූ වාර්තා පිළිබඳ ක්‍රිකට් සභාපති ෂම්මි සිල්වා මහතාගෙන් මාධ්‍යවේදීන් කළ විමසීමකදී පැවැසූවේ තවමත් එවැන්නක් ලැබී නොමැති බවයි. “මාලිංග ක්‍රීඩා කරන්නේ රට වෙනුවෙන්. ඒ නිසා ඔහු කණ්ඩායම සමග එංගලන්තයට යයි කියා සිතනවා. නොගියත් ඉතින් අපට කරන්න දෙයක් නෑ. එයා නැතිවුණා කියලා ලෝක කුසලානයෙන් අප ඉවත් වෙන්නද? සභාපති ලෙස මා නැති වුණොත් මෙතැනට එන්න ඕන තරම් අය පෝලිමේ ඉන්නවා. ඒ වගේ තමයි මාලිංග ගියොත් වෙන කෙනෙක් එයි. මාලිංග ලෝක පූජිත ක්‍රීඩකයෙක්. ලෝක පූජිත ක්‍රීඩකයෝ හොඳ නායකයෝ වෙන්නේ නෑ. හොඳ නායකයෝ ඇතැම්විට ලෝක පූජිත නොවේවි. අප මෙතැනදී බැලුවේ රටක් ගැන පමණයි. පුද්ගල නාම එකක්වත් වැඩක් නෑ“ සිල්වා මහතා පැවැසීය. ශ්‍රී ලංකා ක්‍රිකට් තේරීම් කමිටු සභාපති අසන්තා ද මෙල් මහතා ඊයේ පැවැති මාධ්‍ය හමුවකදී පැවැසූවේ නායකත්වයෙන් ඉවත් කිරීමට හේතු පිළිබඳ ඉන්දියාවේ සිටින මාලිංග සමග පැය භාගයකට අධික කාලයක් දුරකතනයෙන් සාකච්ඡා කළ බවයි.“ මා ඔහුට තේරුම්කර දුන්නා සියල්ල. ඔහු දක්ෂ නායකයෙක් නමුත් කණ්ඩායමක් ලෙස ඔහුට ඉදිරියට යන්න බෑ. එවැනි තත්ත්වයක් තුල අපට වගකීමක් දෙන්න බෑ. එයාට ටීම් එක එකට තියාගන්න බැරිනම් අප මොකද කරන්නේ. අපට ඒ නිසා තීන්දුවක් ගන්න වෙනවා. දිමුත් කණ්ඩායම සමග එකට ඉන්න ක්‍රීඩකයෙක් බව ඔප්පු වෙලා ඉවරයි. මාලිංගට ඇතැම් ප්‍රශ්න පාලනය කරගන්න බෑ“ මෙල් මහතා පැවැසීය. මාලිංග නිමාවූ එක්දින තරග 12කදී නායකත්වය දුන් අතර ඒ සියලු තරග වලින් ශ්‍රී ලංකාව පරාජයට පත්ව ඇතැයිද මෙල් මහතා සිහිපත් කළේය. ලෝක කුසලාන තරගාවලියට සහභාගි වන ශ්‍රී ලංකා කණ්ඩායමේ නායකත්වය තමන් අපේක්ෂා කරන අතර එසේ නොවුණහොත් ජාත්‍යන්තර එක්දින පිටියෙන් සමුගන්නා බව ලසිත් මාලිංග කලින්ම පවසා තිබිණි. ලසිත් මාලිංග බොහෝවිට මත භේදාත්මක ප්‍රකාශ නිකුත් කරන්නකු ලෙස ප්‍රකටව ඇති අතර ඔහුගේ බිරිය හා තිසර පෙරේරාගේ බිරිය අතර සමාජ ජාලා මාධ්‍ය ඔස්සේ සිදුවූ මතභේදාත්මක අදහස් හුවමරුවක් පසුගියදා ලැව් ගින්නක් සේ පැතිර ගියේය.

Read more
බදුර්දීන් විපත්තුව කපන්න කලින් මැන්න හැටි මෙන්න

විල්පත්තුවේ වන සංහාරය ගැන දැන් වසර දෙක තුනක සිට කතා වෙයි. විල්පත්තුවේ ගෙවල් තනා පදිංචියට යන ජනතාව කියන්නේ එය අතීතයේ යුද්ධයට ආරම්භ වෙන්නට කලින් කැලෑවකට තිබුණ බවයි. එහෙත් දකුණේ පිරිස් එය එසේ නොවන බව කියති. ඒ නිසා අප මීට දශක ගණනාවකට පෙර විල්පත්තුව ආශ්‍රිත ප්‍රදේශ මැනීමට ගිය මිනින්දෝරුවරු කිහිප දෙනකුගේ අත්දැකීම් මෙසේ හෙළි කරන්නේ මේ කතාබහට යම් ආලෝකයක් ලබා දීමටය. එස්.ඩී. සේනාරත්න තරුණ මිනින්දෝරු මහතාගේ මුල්ම පත්වීම විල්පත්තුවටය. ඒ 1966 වසරේදීය. සේනාරත්න ප්‍රමුඛ මිනින්දෝරු කණ්ඩායම කඳවුරු බැඳ ගත්තේ සිලාවතුර ප්‍රදේශයෙන් පහළ විල්පත්තුව මහ කැලයට උතුරිනි. ඒ ‘‘කොණ්ඩච්චිය’’ නම් ග්‍රාමයේය. මිනින්දෝරු මහතාගේ කඳවුරත්, කම්කරු කණ්ඩායමේ කඳවුරත් පිහිටියේ එකිනෙකට ළඟිනි. මෙම කූඩාරම් පසෙක වූයේ ආරකි. ආර යනු ඇළ හෝ දොළ හැඳින්වීමට යෙදුණු දෙමළ වචනයකි. මෙය ද්‍රවිඩ ජාතික මිනින්දෝරුවරුන් විසින් මිනින්දෝරු පිඹුරු මත පුන පුනා සටහන් කෙරුණකි. ඒ පිඹුරු එකල සියල්ල සැකසුණේ ඉංග්‍රීසි භාෂාවෙනි. කූඩාරම් තැනීම සඳහා වහලට භාවිත කළ කැන්වස් රෙද්ද හා පොළොවට ඇතිරීම සඳහා සිමෙන්ති කොට්ට දෙකක් සමග කඳවුර වටකොට ඇසිරීම සඳහා තල්කොළ මිටි දෙකක් කොන්ඩච්චියට ආවේ මිනින්දෝරු දෙපාර්තමේන්තුවේ කොළඹ ප්‍රධාන කාර්යාලයෙනි. කූඩාරම අපූරුවට තැනුණේ මිනින්දෝරු කණ්ඩායමේ සිටි කම්කරුවකු වූ ‘‘වල්ලිකාමම්’’ ගේ දෑතිනි. වල්ලිකාමම් කඳවුරු තැනීම සඳහා උපන් හපනෙකි. මිනින්දෝරු මහතාගේ කඳවුර ඉස්තෝප්පුවක්, සාලයක් සහ නිදන කාමරයකින් සමන්විත විය. පිඹුරු පෙට්ටි දෙක, අකුලා දිග හැර සකස් කළ හැකි කඳවුරු මේසය, ඇඳ, පුටු, මදුරු දැල්, ලන්තෑරම් සහ මැනුම් කණ්ණාඩියද කඳවුරේ අත්‍යවශ්‍ය උපකරණ අතර වීය. අනෙක් මැනුම් අංගෝපාංග ගබඩා ගතවූයේ කම්කරු කණ්ඩායම සිටි කඳවුර තුළය. ‘‘අපේ සේවකයෝ කෑම්ප් ගහන්න ලී දඬු කැපුවෙ, එක ගහකින් එක ලී දණ්ඩ බැගින් ගස් පිටින් බිම දැම්මේ නෑ. අපිට හෙවණ දුන්නෙ ඒ ගහ කොළ….!’’ හැත්තෑහත් වැනි විය පසු කරමින් මාතර දිස්ත්‍රික්කයේ මිරිස්ස ප්‍රදේශයේ දිවි ගෙවන එස්.ඩී. සේනාරත්න මහතා අද ද සිහි කරන්නේය. මිරිස්ස ඔහුගේ නිජබිමය. තරුණ මිනින්දෝරු මහතාගේ පළමු රාජකාරිය වූයේ ගුවන් ඡායාරූපයක් මත වූ ‘‘ලක්ෂ්‍යයක්’’ කරා පොළොවෙන් ළඟා වී හඳුනාගැනීමය. ඡායාරූපය මත වූ එම ලක්ෂ්‍යය පිහිටා තිබුණේ විල්ලුව මැදය. මිනින්දෝරු මහතාටත්, කම්කරු කණ්ඩායමටත් එම ලක්ෂය සොයා යාමට කැලය ඔස්සේ සැතපුම් 14ක් 15ක් යා යුතු විය. අලි, කොටි, වළස් ගහනය පිරි කැලය තුළට ඇවිද යාම අවදානම් සහගත කාර්යයකි. මිනින්දෝරු කණ්ඩායම සඳහා ෂිකාරේ කෙනෙක්ද විය. ෂිකාරේ යනු හින්දි වචනයකි. එහි අරුත වනුයේ වෙඩික්කරු යන්නය. මෙම ෂිකාරේ මිනින්දෝරු කණ්ඩායම සඳහා තෝරා ගැනෙනුයේ කඳවුරු බඳින ගම්මානයකිනි. ගමේ නමගිය දක්ෂ වෙඩික්කරුවකු විය යුතු මේ පුද්ගලයාට දෛනික වැටුප් ලැබෙනුයේ මිනින්දෝරු දෙපාර්තමේන්තුවෙනි. ඒ වන විටත් විල්පත්තු රක්ෂිතය මිනින්දෝරු දෙපාර්තමේන්තුව විසින් මායිම්ගල් පොළොවේ පිහිටුවා වෙන් කර තිබුණි. ඒ අනුව ගමත්, කැලයත් වෙන් වෙන් වශයෙන් හඳුනාගැනීමට හැකිය. විල්පත්තුව පිළිබඳව දකුණේ ජනයා අතර ඇති වී ඇති ‘‘ඇවිස්සීම’’ පිළිබඳව සාවධානව මෙනෙහි කළ යුතු වන්නේය. කියන්නා කෙසේ කීවත් අසන්නා සිහි බුද්ධියෙන් ඇසිය යුතු සේම මෙහි නියම අරුත වටහා දීමට බලය ඇති පාලකයන් කිසි විටෙකත් උත්සාහ ගන්නා පාටක් නොමැත. තවත් විදිහකටත් කියන්නේ නම් ඇවිලී යාමට ඉඩදී බලා සිටින්නේය. විල්පත්තුව ආශ්‍රිත මුස්ලිම් ජනයා පදිංචි වී ඇති ඇතැම් ගම්මාන මිනින්දෝරු දෙපාර්තමේන්තුව විසින් මායිම් ගල් දමා ගම්මාන බවට පත් කර ඇති පුද්ගලික ඉඩම්ය. එලෙස පිඹුරු සකසා ඇත්තේ මීට දශක ගණනාවකට පෙර බව එම පිඹුරු පුද්ගලිකව පරීක්ෂා කළ මෙම ලියුම්කරුට ද අත්දැකීම් ඇත්තේය. කොණ්ඩච්චිය ගමේ සිටියේ මුස්ලිම් ජාතිකයෝය. ගමේ නිවාස සියල්ල කටුමැටි ගැසූ ඒවාය. ඒවා කඑම ආකාරයකට රවුම් හැඩයකට පිහිටා තිබුණේය. ගමේ නමගිය වෙඩික්කරුවා වූයේ ‘‘ඊඩර් පොංගලම්’’ය. සේනාරත්න තරුණ මිනින්දෝරු මහතාගේ කණ්ඩායමේ මැනුම් ඕවර්සියර් වූයේ කේ.පී. ඩේවිඩ්ය. නිතරම මිනින්දෝරු මහතා ඉදිරියේ කන් කෙඳිරි ගෑයේ ෂිකාරේ කෙනකු ඉල්ලමිනි. ‘‘සර්..‘ ෂිකාරේ නැතුව මෙතැන ඉන්න බෑ. උදේට නැගිටලා වැසිකිළියට යන්න බයයි. රෑට එහාට මෙහාට යන්න බෑ. කොයි වෙලේ වළහා පනීද. කොටියා පනීද දන්නේ නෑ. එස්.ඩී. සේනාරත්න තරුණ මිනින්දෝරු මහතාට ‘‘ෂිකාරේ’‘ බඳවා ගැනීමට අවසර ලැබීම එන්න එන්නම ප්‍රමාද වන්නේය. තරුණ මිනින්දෝරු මහතාට නහුතයකට කේන්ති ගියේය. තරුණ මිනින්දෝරු මහතාගේ බොස් වූයේ සහකාර මිනින්දෝරු අධිකාරී වල්ලිපුරනාදන් මහතාය. ‘‘සර් ෂිකාරේ නැතුව අපි කොහොමද මේ කෑම්ප් එකේ ඉන්නේ? මම දැන් කෑම්ප් එකේ නෙවෙයි ඉන්නේ. දඩ මැස්සෙ.’’ තරුණ මිනින්දෝරු මහතා රාජ්‍ය සේවයේ ‘අද නෙවෙයි හෙට’ පාඨයට වෙඩි පත්තු කළේය. ලොකු ගසක අත්තක් මත හරහට ලී කඳන්වලින් බැඳි මැස්ස ‘‘දඩ මැස්ස’’ විය. ඒ එහි සිට දඩයමට නිසි ඉලක්කය ගත හැකි බැවිනි. ෂිකාරේ ලැබෙන තෙක් සෙනේ නිකං හිටියේ නැත. සෙනේ තුවක්කුවට අත හුරු කර ගත්තේය. තරුණ මිනින්දෝරු මහතාගේ කම්කරු කණ්ඩායමේ සිටි මොහොට්ටිහාමි තුවක්කුවේ සියලු ශිල්ප ප්‍රගුණ කළ කෙනෙකි. මොහොට්ටිහාමි සිය තරුණ ස්වාමියාට දින දෙකක් තුනක් ඇතුළත තුවක්කු ශිල්පය අත්පොත් තැබුවේය. තුවක්කුවේ ඉලක්කය අල්ලන මැස්සාගෙන් බලා, කොකා ගැස්සූ තරුණ මිනින්දෝරු මහතා විල්පත්තු අහසේ පියාසර කළ කෑදැත්තකුට ඉලක්ක ඇල්ලුවේය. ‘‘ගිරිදිල්ල’’ වල්ලකට ඉලක්ක කර බිම දැම්මේය. ඊඩර් පොංගලම් සිය ෂිකාරේ ලෙසට බඳවා ගැනීමට තරුණ මිනින්දෝරු මහතාට අවසර ලැබුණේය. ඊඩර් පොංගලම් අඩි 6ක් පමණ උසැති පතෝල කරලක් සේ සිහින් ශක්තිමත් අැඟක් සහිත වූවෙකි. තලප්පාවක් හිස මත බැඳ සිටි ඔහු උඩුකයට අත්කොට මේස් බැනියමක් හැඳ සිටියේය. කළු කැන්වස් රෙද්දෙන් තැනූ බඳ පටියක් ඉණ පැලඳ සිටි අතර එහි හීන් කුස්තුර කිහිපයකි. ඒ ‘‘කැට පතොරොම්’’ බහැලීමටය. සරම කැසපට ගසා සිටි ඔහුට ඉදිකටුවක් වුව හැපී ඇඹරී යන තරමට ඝන වූ දෙපතුලක් තිබිණ. පසුදා උදෑසනම මිනින්දෝරු කණ්ඩායම එකී ගුවන් ලක්ෂ්‍යය සොයා යා යුතු බැවින් එළිවෙන ජාමයේම ගමකට අවශ්‍ය කෑමබීම සරිකර ගැනීමට කම්කරු කණ්ඩායම යුහුසුළු වූහ. අලුයම 5 වන විට ම මිනින්දෝරු කණ්ඩායමට ගැමියකුගෙන් ත්‍යාගයක් ලෙස ලේ පෙරෙන ගෝන මස් කුට්ටි දෙකක්ද ලැබිණ. ඒ කිච්චෙන් නමැති ගැමියාගෙනි. ඔහු හොඳ දඩයම්කරුවෙකි. ගමේ නිවාස 15කි. මිනින්දෝරු කණ්ඩායමේ කූඩාරම් 2කි. ඒ අනුව දඩගෝනා කොටස් 17කට කපන ලදී. ඉන්පසුව කිච්චෙන් විසින්ම මේ දඩමස් කොටස් 17 ගම තුළ බෙදා හැරියේය. මෙය එකල ඒ ගමේ හැඳින්වූයේ ගම විසින් පව් බෙදා ගැනීම ලෙසටය. මේ අනුව ගෝන දඩයමෙන් සිදුවූ පවෙන් දාහතෙන් පංගුවක් කිච්චෙන් විසින් තරුණ මිනින්දෝරු මහතාට අත්පත් කර දුන්නේය. ‘‘පවෙන් දාහතෙන් පංගුවක් මටත් ලැබුණා…’’ සෙනේ අදටත් සිනාසෙමින් මතක් කරන්නේය. මිනින්දෝරු කඳවුරේ කම්කරු වූයේ සයිමන්ය. කඳවුරු කම්කරු යනු මිනින්දෝරු මහතාගේ ආවතේව සඳහා ලැබෙන කම්කරුවෙකි. සයිමන් ගාල්ලෙන් පැමිණ යාපනයෙන් කසාද බැඳ යාපනයේම පදිංචි වී සිටියෙකි. සයිමන් ඉවුම් පිහුම් කිරීමට ගජ හපනෙකි. සයිමන් ළිපේ පැසෙන මස් හොද්දට කහ මිරිස් තුනපහට අමතරව ගංජා ස්වල්පයක් ද එක් කළේය. ඒ වස විස නැසීමටය. කොහොමත් මිනින්දෝරු කඳවුරක ගංජා රාත්තලක්වත් වූයේ කෑම පිසීමටය. සයිමන්ගේ මස් හොද්ද පැසෙන විට පළාතම සුවඳවත් වෙයි. ඉතිරි වූ මස් කොටස පසු දිනට ආහාරය සඳහා තබා ගැනේ. ඒ ගමේ මිනිස්සු එයට කියනුයේ ඌරල් වෙන්න තිබ්බා යනුවෙනි. උදෑසනම මිනින්දෝරු කණ්ඩායම ගුවන් ලක්ෂ්‍යය සොයා ගමන් ඇරඹූහ. මිනින්දෝරු මහතා හැරුණු විට ෂිකාරේ සහ තවත් කම්කරුවන් අට දෙනෙකි. මැනුම් උපකරණ හා කෑමබීම දැමූ තල්කොළ පෙට්ටිය කරේ තබාගෙන යාමට තරම් මොවුනට බූරු පිටක් වීය. බඩගිනි වූ විට කටේ මැස්සෙක් වැහුවද කට වසා ගැනීමට තරම් ඌරු කටක් මොවුනට වීය. එලෙසම සැතපුම් ගණනාවක් ඇවිද යාමට අශ්ව කකුල්ද දුර ඈත විනිවිද පෙනීමට මොනර ඇස්ද මොවුනට වීය. දහවල් වනවිට මිනින්දෝරු කණ්ඩායම තමන් සොයා ආ ගුවන් මැනුම් ලක්ෂ්‍යයට ළඟා වූහ. මැනුම් කටයුතු අවසන් වීමෙන් පසුව දවල් ආහාරය ගලක් මතදී සප්පායම් කර ගත් කණ්ඩායම සතුටු සාමීචියේ යෙදුණහ. ‘‘අන්න… අන්න… කොටියා…’’ මිනින්දෝරු කණ්ඩායමේ කාගේ හෝ මොනර ඇස් විවර වී තිබිණ. ෂිකාරේ කොටියා දෙසට තුවක්කුව එල්ල කළේය. සැණෙකින් මේ කොටියා ෂිකාරේ විසින් හඳුනා ගත්තේය. මිනිස් බිලි රාශියක් ඒ වන විට රැගෙන සිටි කොටියා මිනින්දෝරු කණ්ඩායමටද කුරුමාණම් ඇල්ලුවේය. ‘‘වාංගු කරපං ඊඩර්… වාංගු කරපං…’’කම්කරුවකු කෑ ගැසීය. ෂිකාරේ සිය ගිනි අවිය සට පට ගා අත පත ගා කොටියා දෙසට එල්ල කළේය. ‘‘එපා මිනිහෝ…’’ තරුණ මිනින්දෝරු මහතා හරස් කැපුවේය. ‘‘සර්… එනපොට හරි නෑ.. ගහට නගිමු…’’ අසල වූ ගසකට මිනින්දෝරු කණ්ඩායම බඩ ගෑහ. මිනින්දෝරු මහතා එක් අත්තක් මතය. ෂිකාරේ ද ඒ අත්ත මතය. කම්කරු කණ්ඩායම තවත් අතු දෙකක් මතය. ‘‘සර්… මූ ගහට නගීවි…’’ කියූ ලෙසට ම මිනීමරු කොටියා සිය දෙඅත් ගස මත තැබීය. ෂිකාරේ වහා ක්‍රියාත්මක වීය. ‘‘ඩෝං,’‘ යන ශබ්දයෙන් මුළු වනයම දෙදරුම් කෑයේය. මිනීමරු කොටියා ලේ පෙරාගෙනම බිම දඟලා නිසොල්මන් වීය. මිනින්දෝරු කණ්ඩායම ගසෙන් බිමට බැස්සාහ. මිනින්දෝරුවරු කොයි එකටත් ‘‘ මිමි’’ ගත්තාහ. කොටි මළ සිරුර ළඟ තැබූ එකිනෙකට වෙනස් වූ ගස් තුනක ‘‘කරු’’ කැපූහ. මළ සිරුරේ සිට එම ගස් තුරෙනහි අර කැපූ ‘‘කරු’’ වලට හෙවත් ‘‘කට්ට සලකුණු’’ වලට ‘මිමි’’ ගත්තාහ. මේ මිනීමරු කොටියා වෙඩි තබා මරා දමන ලෙසට මන්නාරම සහකාර ආණ්ඩුවේ ඒජන්ත තැන විසින් දැන්වීම් නිකුත් කර තිබුණෙකි. පසුව ඒ සඳහා වූ ත්‍යාගය ඊඩර් පොංගලම් විසින් ලබා ගන්නා ලදී. එස්.ඩී. සේනාරත්න මහතාගේ මිනින්දෝරු ජීවිතය තුළ වන අලි දැක ඕනෑ තරම් ගස් නැග ඇත. එය කෙසේ වෙතත් වරක් ගමක පෙරහරක එන අලි දුටු සේනාරත්න මහතා ගසක් සෙව්වේ පුරුද්දට ගස් නැගීමටය. එතරම් ඔහුගේ ජීවිතය තුළ අලි සහ ගස් නැගීමට, මැනීමට සේම නොදෙවැනි දක්ෂතාවක් පෙන්නුවේය. මෙවැනි අත්දැකීම්වලින් සපිරි එස්.ඩී. සේනාරත්න මිනින්දෝරු මහතා දිවයිනේ විවිධ ප්‍රදේශවල සේවය කරමින්, යුග දිවියට එළැඹුණේ ශාන්ති සිරිවර්ධන මෙනවිය සමගය. දක්ෂ ගුරුවරියක වූ ඇය සිංහල සිනමාවේ අසහාය නිළි අනෝජා වීරසිංහ මහත්මියගේ ලොකු අක්කාය. සේනාරත්න යුවළ දැනට දරු මුනුබුරන් පිරිවරා මිරිස්ස ප්‍ර‍දේශයේ දිවි ගෙවන්නාහ. බලයලත් මිනින්දෝරු සුනිල් කුසුම්සිරි

Read more