ශ‍්‍රී ලංකාවේ සෘජු ආයෝජන රැසකට බි‍්‍රතාන්‍ය සූදානමින්

ශ‍්‍රී ලංකාවට ලබාදෙන සහය තවදුරටත් පුළුල් කරමින් ශ‍්‍රී ලංකාව තුළ සෘජු ආයෝජන රැසකට බි‍්‍රතාන්‍ය රජය සූදානමින් සිටින බවත්, ඒ සදහා අවශ්‍ය වැඩපිළිවෙළ ඉදිරියේදී කි‍්‍රයාත්මක කරන බවත් බි‍්‍රතාන්‍ය ජාත්‍යන්තර වෙළෙද අමාත්‍ය ලියම් ෆොක්ස් මහතා පවසයි.

පොදු රාජ්‍ය මණ්ඩල රාජ්‍ය නායක සමුළුවට සහභාගීවීම සදහා ලන්ඩන් නුවරට ගොස් සිටින ජනාධිපති ගරු මෛති‍්‍රපාල සිරිසේන මැතිතුමාව අද (18) පස්වරුවේ ලන්ඩන් නුවරදී හමුවූ ලියම් ෆොක්ස් මහතා මේ බව සදහන් කළේය.

දෙරට අතර ද්විපාර්ශ්වික සබදතා තවදුරටත් ශක්තිමත් කරගනිමින් නව වෙළෙද සහ ආයෝජන අවස්ථා පුළුල් කර ගැනීම පිළිබද මෙහිදී දීර්ඝ වශයෙන් සාකච්වඡාවට ලක්විය.

එහිදී වැඩිදුරටත් අදහස් දැක්වූ ලියම් ෆොක්ස් මහතා සදහන් කළේ ශ‍්‍රී ලංකාවේ පවතින නව ආයෝජන අවස්ථා පිළිබද තොරතුරු බි‍්‍රතාන්‍ය ජාත්‍යන්තර වෙළෙ`ද කටයුතු අමාත්‍යාංශයේ වෙබි අඩවිය තුළ ද අන්තර්ගත කිරීමට කටයුතු කරන බවයි.

ජනාධිපති ගරු මෛතී‍්‍රපාල සිරිසේන මැතිතුමා අදහස් දක්වමින් කියා සිටියේ අද ශ‍්‍රී ලංකාව තුළ විදේශ ආයෝජනවල වර්ධනයක් ඇතිව තිබෙන අතර සංචාරක ක්ෂේත‍්‍රයේ ද සුවිශේෂී ප‍්‍රගතියක් සිදුව තිබෙන බවයි. සියලූ රටවල් සම`ග මිත‍්‍රත්වය ගොඩනගා ගනිමින් ශ‍්‍රී ලංකා රජය ගෙන යන මිත‍්‍රශීලී විදේශ ප‍්‍රතිපත්තිය තුළින් මාතෘ භූමියට ජයග‍්‍රහණ රැුසක් උදාකර ගැනීමට හැකිවී තිබෙන බව ද ජනාධිපතිතුමා ස`දහන් කළේය.

ශ‍්‍රී ලංකාවේ නව ආයෝජන අවස්ථා පිළිබ`ද අදහස් දැක්වූ ජනාධිපතිතුමා කියා සිටියේ විදුලිබල උත්පාදන ක්ෂේත‍්‍රයේ නව ආයෝජන පිළිබද රජය විශේෂ අවධානයක් යොමු කර තිබෙන අතර කෘෂිකාර්මික සහ පශු සම්පත් ක්ෂේත‍්‍ර පිළිබදව ද ප‍්‍රමුඛතාවයක් ලබාදී තිබෙන බවයි.

බි‍්‍රතාන්‍ය රජය නිරන්තරයෙන් ශ‍්‍රී ලංකාවේ සංවර්ධනයට ලබාදෙන සහය ද මෙහිදී ජනාධිපතිතුමාගේ ඇගයීමට ලක්විය.
මේ අතර ශ‍්‍රී ලංකාවට ඉතාමත් හිතවත් අයුරින් කටයුතු කරන බි‍්‍රතාන්‍ය කොන්සවේටිව් පක්ෂයේ හිටපු පාර්ලිමේන්තු සභික බාරෝන් නෙස්බි සාමිවරයා ද ලන්ඩන් නුවරදී ජනාධිපතිතුමා මුණ ගැසිණි.

ශ‍්‍රී ලංකා රජය අද ගෙන යන සංවර්ධන වැඩපිළිවෙල මෙහිදී අගය කළ නෙස්බි සාමිවරයා ශ‍්‍රී ලංකාවේ සැබෑ මිත‍්‍රයකු ලෙස ඒ වෙනුවෙන් ලබාදිය හැකි සියලූ සහය ලබාදෙන බවට ද සහතික විය.

එමෙන්ම ශ‍්‍රී ලංකාව තුළ සිදුකෙරෙන සංහිදියා සහ ප‍්‍රතිසන්ධාන වැඩපිළිවෙළ ද අගය කළ සාමිවරයා පශ්චාත් යුද සමයේ ශ‍්‍රී ලංකාව ඉටුකරමින් සිටින කාර්ය භාරය ලොව අන් රටවලට සාපේක්ෂව යහපත් මට්ටමක පවතින බව ද කියා සිටියේය.එම වැඩපිළිවෙළ පිළිබද නිවැරදි සහ ප‍්‍රමාණවත් තොරතුරු යුරෝපීය රටවලට සහ ජිනිවාවලට නිසි පරිදි නොලැබීම කනගාටුවට කරුණක් වන අතර, එම සත්‍ය තත්ත්වය පිළිබද ඔවුන් දැනුවත් කිරීමට තම උපරිම සහය ලබාදෙන බවට ද සහතික විය.

ශ‍්‍රී ලංකාවේ සැබෑ තත්ත්වය පිළිබද නිසි අවබෝධයෙන් යුතුව රටේ සංවර්ධන සහ සංහි`දියා වැඩපිළිවෙල වෙනුවෙන් නෙස්බි සාමිවරයා ලබාදෙන පෞද්ගලික මැදිහත්වීම පිළිබද මෙහිදී ජනාධිපතිතුමා සිය ස්තූතිය පිරිනැමීය.

ජනාධිපති මාධ්‍ය අංශය
lankamediahub.com
ලංකා මීඩියා හබ්

Leave a Reply

Your email address will not be published. Required fields are marked *